Museoa

Peñacerrada-Urizaharreko Aire Zabaleko Museo Etnografikoak 400 lanabes eta tresna baino gehiago biltzen ditu gaur egun, inguruko nekazaritza- eta abeltzaintza-lanaren bilakaera erakusten dutenak. Nekazariek egindako erosketen eta dohaintzen emaitza da bilduma, eta, besteak beste, eskuzko tresna tradizionalak eta XX. mendean landan mekanizazioa sartu zuten makinak biltzen ditu.

Nabarmendu beharreko piezen artean, hainbat laia, golde, harraska, ereiteko makina, kultibatzeko makina, sega makina, narra, garia garbitzeko makina, paketatzeko makina, lister motor eta abar daude. Horiei esker, landa lanek denboran zehar izan duten eraldaketa uler daiteke.
Peñacerrada-Urizaharreko Aire Zabaleko Museo Etnografikoa tokikoa da, eta Udalaren eta Administrazio Batzarraren artean partekatutako titulartasuna du.
Proiektu hori Lorenzo Prestamero Etnografi Elkarteak kudeatzen du, Arabako Foru Aldundiak diruz lagunduta, eta Arabako Etnografia Mintegiaren lankidetza du.

Proiektu honen azken helburua museo etnografikoaren existentziari zentzua ematea da, etorkizunera begira proiektatuta eta jarraitutasuna bermatuta tresna horiek historikoki bizi izan diren eta erabili izan diren testuinguru geografiko eta humanoan bertan.

Gure museoaren helburuen artean, nabarmentzekoak dira honako hauek:
- Ondare etnografikoa denboran zehar zaintzen dela ziurtatzea eta kontserbazio estrategiak garatzea.
- Bistaratzea eta jendaurrean jartzea sustatzea.
- Herritarren integrazioa eta parte hartzea bultzatzea proiektuan.
- Irisgarritasun integrala proposatzea: ordutegirik gabeko museoa, oztopo arkitektonikorik gabea, etab.
- Peñacerrada-Urizaharraren irudia eta tokiko eta landako garapena indartzea: irudia eta ondare historikoa.